ပေႃးတႆး 1 ၵေႃႉ ထူပ်းမၢၼ်ႈ 5 ၵေႃႉ မၢၼ်ႈၶဝ်တေလၢတ်ႈၵႂၢမ်းမၢၼ်ႈ သေ တႆးတေလၢတ်ႈၵႂၢမ်းမၢၼ်ႈ
ၵူၺ်း ?
ပေႃးတႆး 5 ၵေႃႉ ထူပ်းမၢၼ်ႈ 1 ၵေႃႉ တႆးၵေႃႈယင်းတိုၵ်ႉလူဝ်ႇလၢတ်ႈၵႂၢမ်းမၢၼ်ႈၵူၺ်း
ၼႆႉပွင်ႇဝႃႈ တႆးၶႅၼ်ႇၶႃႈႁႃႉ မၢၼ်ႈၶႅၼ်ႇၶႃႈႁႃႉ 😂
တႆး 5 ၵေႃႉ ထူပ်းမၢၼ်ႈၼိုင်ႈၵေႃႉ တေလႆႈလၢတ်ႈၵႂၢမ်းသင်?
တေလႆႈၶဝ်ႈၸႂ်ႉ (Login) ဢွၼ်တၢင်း
ဢိင်ၼိူဝ်လွင်ႈဝႃႈ ၶဝ်တၢင်း 6 ၵေႃႉ ပွင်ႇၵႂၢမ်းသင်? မီးတႆးၼမ်လႄႈတေလၢတ်ႈၵႂၢမ်းတႆးၵေႃႈ တေႃႈတေဢမ်ႇထုၵ်ႇ သင်ဝႃႈမီးၵေႃႉၼိုင်ႈဢမ်ႇပွင်ႇၸႂ်ၵႂၢမ်းတႆး။ လမ်ႇလွင်ႈၼၼ်ႉတႃႇတေဢုပ်ႇၵၼ်ပွင်ႇၸႂ်ၵူၺ်း။
မီးတႆးပဵၼ် 5 ၵေႃႉ လၢတ်ႈတေႃႇမၢၼ်ႈၵေႃႉၼိုင်ႈ သမ်ႉလႆႈၸႂ်ႉလၢတ်ႈၽႃႇသႃႇၵႂၢမ်းမၢၼ်ႈႁဵတ်းသင်လႃႇ? ပိူင်ယႂ်ႇမၼ်းတေပဵၼ်ၵွပ်ႈ တႆး 5 ၵေႃႉၼၼ်ႉမေႃၵႂၢမ်းမၢၼ်ႈ ပွင်ႇၸႂ်ၵႂၢမ်းမၢၼ်ႈ။ ပေႃးဢဝ်ၸဵင်ႇၼႆႉတူၺ်းၸိုင်ႈ တေလႆႈၶေႃႈတွပ်ႇဝႃႈ ၵွပ်ႈတႆးၶႅၼ်ႇလႄႈ ၸင်ႇၸၢင်ႈၸႂ်ႉၵႂၢမ်းမၢၼ်ႈယဝ်ႉ။
တၢင်းႁၼ်ထိုင်ၶႃႈတႄႉ ႁၼ်လီၸွမ်းယူႇဝႃႈ သင်တႆး 5 ၵေႃႉ မေႃၵႂၢမ်းမၢၼ်ႈဢုပ်ႇၵႂၢမ်းမၢၼ်ႈၼႆၸိုင် တႆးႁဝ်းၶႅၼ်ႇ ၵွပ်ႈဝႃႈ လိၵ်ႈႁဝ်းၵေႃႈႁဝ်းမေႃ လိၵ်ႈပိူၼ်ႈၵေႃႈႁဝ်းမေႃ။ ၵူၺ်းပေႃးမႃးတူၺ်းလိုၵ်ႉလိုၵ်ႉတႄႉ မၢၼ်ႈၶႅၼ်ႇဢေႃႈ ၵွပ်ႈသင်လႄႈဝႃႈၼၼ်ၼႆ မၢၼ်ႈ 5 ၵေႃႉၵေႃႈ လၢတ်ႈၵႂၢမ်းမၢၼ်ႈ မၢၼ်ႈၼိုင်ႈၵေႃႉၵေႃႈလၢတ်ႈၵႂၢမ်းမၢၼ်ႈၼၼ်ႉ မၼ်းပွင်ႇဝႃႈလိၵ်ႈမၢၼ်ႈၵႂၢမ်းမၢၼ်ႈၼႆႉလမ်ႇလွင်ႈ တႆးႁဝ်းဢမ်ႇႁူႉဢမ်ႇလႆႈ ဢမ်ႇမေႃၵႂၢမ်းမၢၼ်ႈဢမ်ႇပဵၼ်ၼႆလႄႈ တေလႆႈၸႂ်ႉၵႂၢမ်းမၢၼ်ႈ လိၵ်ႈတႆးႁဝ်းတႄႉပိူၼ်ႈဢမ်ႇမေႃၵေႃႈလႆႈ ၵွပ်ႈဝႃႈ ငဝ်းလၢႆးတေႃႈလဵဝ်ၼႂ်းမိူင်းႁူမ်ႈတုမ် လိၵ်ႈမၢၼ်ႈပဵၼ်လိၵ်ႈဢၼ်ၵူႈၸၢဝ်းၶိူဝ်းၸႂ်ႉပဵၼ်တၢင်းၵၢၼ် Official language ဢမ်ႇဝႃႈတႆးတေၸႂ်ႉၵႂၢမ်းတႆးႁိုဝ်ၵႂၢမ်းမၢၼ်ႈၵေႃႈ လွင်ႈၶႅၼ်ႇႁဝ်းပႆႇပဵင်းမၢၼ်ႈလႆႈ သင်ၶႂ်ႈၶႅၼ်ႇပဵင်း ဢမ်ႇၼၼ် ၶႅၼ်ႇလိူဝ်မၢၼ်ႈတႄႉၵေႃႈ တႆးႁဝ်းလူဝ်ႇလႆႈၶတ်းၸႂ်ႁႂ်ႈလိၵ်ႈတႆးႁဝ်းပဵၼ်လိၵ်ႈဢၼ်ႁဝ်းလႄႈၸၢဝ်းၶိူဝ်းၸႂ်ႉပဵၼ်တၢင်းၵၢၼ်ၼၼ်ႉယဝ်ႉၶႃႈ။ 😂
တႆးၼင်ႇၵၼ် ပွင်ႇၵႂၢမ်းၵၼ်ၵူႈၶေႃႈ ဢမ်ႇပႆႇဢုပ်ႇၵၼ်လႆႈ ဢမ်ႇၶဝ်ႈၵၼ်လႆႈ တိုၵ်ႉပဵၼ်ၸုမ်းၵဝ်ၸုမ်းမႂ်း တႆးၵဝ်တႆးမႂ်းယူႇ (ပႃႇတီႇၵၢၼ်မိူင်း၊ တပ်ႉသိုၵ်း၊ ၸုမ်းတူင်ႇဝူင်းၵူၼ်း) ပႃးမူတ်း ၼႆႉၶႃႈလူး တေလႆႈဝႃႈ တႆးၶႅၼ်ႇယူႇၶႃႈႁႃႉၼၼ်ႉၼေႃ။ ပိုၼ်းတႆးပၢၼ်ယၢမ်းလဵဝ် တေႁဵတ်းႁိုဝ်ၶႆႈၼႄလုၵ်ႈၼႄလၢၼ်ၼၼ်ႉၼေႃ။ မီးၶေႃႈထၢမ်ၶိုၼ်းတင်းၼမ်ယူႇ။ 🙂 🙂